Lo Centre Cultural Occitan País Nissart e Alpenc, qu’es aquò ?

 

- Programa de las activitats & Calendari e luecs de nuòstras manifestacions

 

Lo Centre Cultural Occitan País Nissart e Alpenc organisa cada annaa tot de lòng dal siu calendari, las activitats siguentas :

Cada setmana despí 1971 de corses de lenga d’occitan nissart a Nissa. Los luns al CEDAC de Cimiés, març al CEDAC de Sant-Antòni, mècres al 22 carriera Beaumont, vendres de matin a l’espital de Cimiés, vendres d’après-dinar al CEDAC de l’Ariana.

Cada annaa despí 1972 edicion de la revista de l’associacion « La Beluga », numer especial dals 40 ans dal CCOc en 2012. Avem editat d’obratges coma « Nissa e Occitania per Garibaldi » Laurenç Revest.

Cada annaa despí 1998 organisacion de la fèsta anuala « Fèsta d’Occitània » al teatre Francís Gag, en Vila Vielha, vengua de gropes musicals dal departiment, de tropas de teatre.

Cada annaa despí 1999 l’atalhier de Carnaval : construccion de carri per participar al carneval oficial, a (al mens) 10 carnevals de quartiers e sortias als carnevals d’autras vilas (Coarasa 2009, Sant-Andriu de la Ròca 2012).

Cada setmana despí 2001 de corses de teatre e de representacions de la tropa de Teatre « La Chorma nissarda ». Obtengueriam lo 2nd Prèmi dal Festenal de Fuvèu e esperam l’obtenir ancara. Representacions coma « Li Rementas Nucleari ».

Cada annaa (fin genoier) despí 2003 organisacion de la dictaa occitana nissarda avant al 3 Plaça ísola de Beutat e despí 2012 al 22 carriera Beaumont.

Cada mes despí 2005 visitas guidaas de Nissa en nissart (realisaas dins d’autras comunas parier) dins los quartiers de Vila vielha, lo Castèu, lo Poart, La Madalena, Cimiés e Sant-Poanç.

Cada mes (lo sabta, anciana escòla municipala plaça Fèliç Giordan) despí 2005 cors d’occitan gavuòt dins la valaa dal Palhon de Còntes a Coarasa. Ligams amb’al Festenal Festi' Cant.

Cada mes despí 2007, gestion dals sites uèbs www.nissa.org, www.coarasa.fr

Cada setmana despí 2008 Ràdio NissaPantai, a nuòstre sèti social 6 avenguda Gautier Ros : organisacion de la ràdio associative, creacion d'emissions/ intrevistas en occitan nissart, gavuòt e provençal, difusion d’emissions sus www.nissapantai.com, logicial de tractament de son, de difusion, material d'enregistrament, acuelh d’estudiant-estagiari.

Cada annaa (fin janvier) despí 2010 lo Campionat dal monde de Palhasso, plaça Sant Ròc.

Cada annaa (fevrier) despí 2012 organisacion dal Carneval independent dau Castèu a Nissa.

Tots los 6 meses despí 2012 cors de coïna en nissart (a Las Planas a Nissa, a Coarasa).

A cada ocasion, conferença de Laurenç Revest (per la Jornaia d’Estudis Regionals de Mentan de la Societat d’Art e d’Istòria dal Mentonasc).

Cada annaa trabalham ambé La Calandreta Nissarda, l’Institut d’Estudis Occitans 06, Imagine Tours d’Avinhon, La Setmana de Pau, Ràdio País de Gasconha, Ràdio Lenga d’Òc de Montpelhier.

Fasem venir de conferenciers per presentar d’obratges : Reinat Matalòt sus La Marina en nissart. A venir, Paul Castela sur Los païsatges de la region.

 

Novèlas modificacions significativas en rapuòrt de las annaas en reire :

Avem cambiat de local per los corses d'occitan nissart dal mecres dal 3 Plaça ísola de Beutat al 22 carriera Beaumont.

Avem creat un cors de coïna en lenga occitana e participem a l’organisacion dal Carneval independent.

A la rentraa 2013-2014 es lançat un cors d’occitan gavuòt dins la valaa dal Palhon de Pelha a Luceram menat per nuòstre Vici-president M. Bernard Fruchier.

Venem de realisar un partenariat ambé l’associacion Son e Resson Occitan (Ràdio Lenga d’Oc) que ven d’obtenir una frequença de ràdio numerica terrestra (RNT) dins lo sector de Canas a ‘A Torbia e de l'Escarèa a Nissa. Se trobam a l’estrech dins l’estúdio actual. Per desvelopar aquela activitat ràdio ambé nuòstre partenari, auguram d’obtenir mai de mejans per poler trobar un local sus Nissa, professionalisar aquela activitat e recéber de convits dins nuòstre futur estúdio.